رواية بريئه غيرت حياتي الفصل العاشر 10 بقلم مارينا عبود
رواية بريئه غيرت حياتي الجزء العاشر
رواية بريئه غيرت حياتي البارت العاشر
رواية بريئه غيرت حياتي الحلقة العاشر
– ريان حبيبى وحشتنى اووى
نازلى فتحت بؤقها بصدمة وبصتله بغضب
ريان بعد البنت عنه وبصلها بغضب: هو انا مش قولتلكِ اكتر من مره تبطلى حركاتكِ ديه يا مى
– ريان انا …
قاطعها بغضب: انا مش عاوز اسمع منك حاجه واتفضلى دلوقتي من وشى
مى بصتله بغضب وطلعت من الكافيه
وريان بص لنازلى اللى بتبصله بغضب ومسك ايدها ودخلوا وطلبوا اكل
نازلى بغيظ: ممكن افهم مين دييه وازاى تحضُنك بالشكل ده
ابتسم بخبث: ليه غيرانه
اتعصبت: انا مستحيل اغير عليك بس افتكر انى خلاص هبقى مراتك يعنى القرف ده تبطله
أردف بغضب وصوت عالى :
– انسى وحاولى تتقبلى الواقع ومتنسيش انه جوازى منكِ ده مجرد لعبه مش اكتر وبصراحه كده ممكن تعتبريها شفقه منى عليكِ احسن ما تتبهدلى فى الشوارع لأنكِ دلوقتي للاسف معندكيش لا شغل ولا حتى اهل تروحيلهم واكيد مش هتروحى تعيشى فى نفس الميتم لانه للاسف مبقاش ليكِ مكان فيه يعنى أنتِ دلوقتي مشرده فى الشارع يا حلوه والمفروض انكِ تشكرينى انى اخدتكِ وانقذتكِ من صحبتكِ اللى بقرشين حلوين منى سلمتكِ ليا وهى عارفه كويس كنت ناوى اعمل فيكِ ايه فا اياكِ تنسى نفسكِ أنتِ زيكِ زى اى بنت انا عرفتها ومفرقتيش اووى عنهم
نازلى بصتله بغضب وحزن وهى بتحاول تدارى دموعها ولاحظت انه الكل بص عليها قامت وطلعت تجرى على بره
ريان غمض عنيه بغضب وندم انه قلها كده وقام يشوفها
نازلى كانت ماشيه فى الشارع وهى منهاره والدموع مغرقه وشها وبتفتكر كل كلام ريان وعيشتها الصعبه فى الميتم وخيانه صديقتها ليها ومكنتش واخده بالها من صوت ريان اللى بينادى عليها
نازلى بدأت تحس بدوامه سودا بتسحبها و وقعت أغمى عليها
ريان اتصدم وجرى عليها بلهفه وخوف:
نازلى فتحى عيونكِ ردى عليااا
ريان شالها وحطها فى العربيه وبدأ يسوق وبعد وقت رجع البيت وهو شايلها
الجد ويزن كانوا قاعدين بيحكوا اول ما شافوه قوموا والجد منير بصله بخوف: البنت مالها يا ريان
ريان مردش عليه وبص ليزن: يزن اطلب دكتوره بسرعه
قالها كده وطلع على اوضته وحطها على السرير وهو بيبصلها بحزن
قعد قدامها ومسك ايدها: انا اسف مكنشى قصدى اقول كده
الجد بغضب: ويا تره قولتلها ايه يا حفيدى خلاها توصل للحاله ديه
ريان قام وبصله بتوتر : مفيش يا جدى هى بس تعبت شويه لما كنا بره
منير بصله بغضب وشك: ماشى يا ريان خليها تفوق الاول وانا هعرف اذا كُنت بتقول الحقيقه ولا لا
ريان اتعصب وسابه وطلع راح اوضة التمرينات بتعته وخلع القميص بتاعه وبدأ يتدرب وكانه بينتقم من نفسه على اللى حصل
الدكتورة وصلت وفحصتها وبلغتهم انها اتعرضت لحاله ضغط نفسى وكتبتلها على ادويه واستاذنت ومشيت
الجد قعد على الكرسى بحزن وبصلها: شكلك هتتعبى اووى يا بنتى علشان تقدرى تغيرى حفيدى
منير طلع ورجع اوضته وريان خلص تمرين وكان طالع اوضته بس جده وقفه : أنتَ رايح على فين
– رايح اوضتى يا جدى
الجد بحده: لا متروحش نازلى لسه مفاقتش وهتفوق الصبح وعلشان كده روح نام فى اوضة الضيوف
بصله وأردف باحترام: حاضر يا جدى بس هاخد هدوم الأول وهروح انام فى اوضة الضيوف
منير هز رأسه بالموافقة وسابه ومشى
ريان دخل اوضته وبص لنازلى بحزن وقرب قعد قصادها وابتسم: صدقينى أنتِ بتحاربى فى معركه خسرانه اللى اتربيت عليه مستحيل حد يغيره وانا اتربيت كده انى اللى عاوزه باخده ومحدش يقدر يوقف فى وشى ومهما حاولتى تغيرينى مش هتعرفى بس ده ميمنعش انى غلِط فى حقكِ النهارده بس تعرفى انا عمرى ما خوفت على حد بالشكل معرفش ليه خوفت عليكِ بالشكل ده بس بتمنى تقومى بالسلامه
ريان قام ووقف يطلع هدوم من الدولاب فى اللحظه ديه كان جده منير واقف قدام الأوضة وسمع كل كلامه وابتسم ورجع اوضته
ريان اخد هدومه وراح ينام فى اوضة الضيوف
______________
تانى يوم كان الجد قاعد على السفره وبيفطروا والكل حوليه ونازلى قاعده عن يمينه وبتلعب فى الطبق بتاعها وريان كل شويه يبصلها وقلقان من سكوتها
الجد اخد نفس وأردف بهدوء: انا قررت انه فرح نازلى وريان يكون بكره بدل من الاسبوع الجاى
الكل بصله بصدمه ونازلى وقفت وبصتله باحترام: انا اسفه يا جدى بس انا مستحيل اتجوز الشخص ده
ريان قام وبصلها بغضب ووو….
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية بريئه غيرت حياتي)
2 تعليقات